اللي مايبكي على القصيده ماعنده قلب
ماهو سر الثمان سنين في قصائد فراق الاحباب ..!!
قصيده لشاعر مجهول
وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!!
ويقول فيها :
شفتها يا سعود صدفه بعد ما غابت سنين *** عند قسم المختبـر وسط مشفى الجامعـه
جيتها ثم قلت ممـكـن في سـؤالي تـسـمـحين *** ناظـرت فينـي بدهشه نظره متواضعـه
قالت انته تـحـسـبني مـن بنات صـايعين *** تـحسبني في زماني عن طريقي ضـايـعـه
قلت انا ماراح اطـول كلبوها كلمتيـن *** وابعـدت عني شويه ثم جتنـي راجـعــه
قالت اسال واضـح انك من رجال طيبيـن *** بس هرجك يالسنـافي كان وشهو دافعـه
قلت انا حبيت وحده يـوم كنا صـغـيرين *** ومن ثمان سنيـن راحت للمواصل قاطعه
عقبهـا ماذقـت نـوم يهتنيـه النايمـين *** ساهر في طول ليلي لين شـمسي طالعــه
اذكر انه فيه حبه فـوق ثغـره من يمـين *** واذكر انه لاجـرينا كـن شعره تابعه
واذكر انـه عاشـق الورد والياسـمـين *** وصار قلبي بالورود اللي عشقها زارعه
طابعا اسمه بقلبي فيه (سـين) وفيه (عين) *** وفيه (الف) وفيه(دال) وسط قلبي طابعه
قاطعتنـي بقولها سبحـان رب العالمـيـن *** كـررتـها مـره .. ومرتين .. ورابعـه
قلت وشفيك وشبـلاك يابنيه تـرجـفـيـن *** ليش عينك يابنيـه من كلامـي دامعــه
قالت الموقف وقلبـي والمحبـه والحـنـيـن *** كيف اشوفك بعد ماكنـت عنك قانعـــه
قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه
قالت ظروف الزمان ماتطيـع العاشقيـن *** بيعونـي غصب حبك لو هو ماني بايعـه
انا في دنياي حالي كنهـا حال السجـيـن *** حتـى لو فكـوا سراحه فيه شي ٍ مانعـه
زوجوني غصب واحد وحرمـوني حاجـتـيـن *** السعاده فـي زمانـي والحيـاه الرائعـه
والحـيـن انا ام لثلاثه ريـم وياسمـيـن *** والولد اسمه على اسمك والمشاعـر جايعـه ...!!
تحياتي:أسير الشوووق