كلن يحب وكل منـا لـه أشعـور
وانا هواي وخاطري لـك بقولـه
أنا أحب اللي كمـا طلـت النـور
أوصبح يوم العيد حـزة وصولـه
سنه ثمان وعشر مع عدة أشهور
وأسمه ثلاث حروف ولابي أقوله
في لحظ عينه سحر هاروت منثور
وفي مشيته هيبه تهـز الرجولـه
لامن ضحك يبري وجع كل مكسور
ولامن هرج مثل المطر في هطوله
ماله شبيه مع البشر يمكن الحور
بنات عمه أو من اللـي يجولـه
الخصر من ردفه معذب ومقهـور
خصره محل والردف قفت محوله
الرمش فوق عيونها صف طابور
والمشط يشكي من شعرها وطوله
الصدر عن جسمه تباعد ومذعور
والخد مبـدي لشفايـف ذهولـه
بنت الدلع والعز ماذاقـت الجـور
ماروحت يمـه دعتهـم وجولـه
تلبس من الغالي جواهـر وبلـور
وافخم قصور المملكه قـد بنولـه
هذا الذي لو كنت ميـت ومقبـور
ومرت على قبري مواطي رجوله
ينبت ثرى رجله رياحين وزهـور
وآنفاسي الوجله ترجـى قبولـه
حبه ملك كلي أحاسيس وشعـور
ومن صعب وصله كلهم قد بكوله
هذا البلا انه على البعـد مجـبور
ومثلي محال أنه يجيـه ويطولـه
موضوع: كلن يحب وكل منـا لـه أشعـور 
السبت يناير 01, 2011 8:12 pm
